" ဆန်ရေ "

အဖေ...

" နေကောင်းရဲ့ လား...? "

" နေကောင်းရဲ့ လား  အဖေ...? " လို့ မေးချင်ပေမယ့်...။

မမေးရဲတော့ပါဘူး...။ မမေးရက်တော့ပါဘူး အဖေရယ်...။

" နေရတာ သက်သာရဲ့ လား...? " လို့ပဲ မေးခွင့်ရှိတော့တဲ့

အချိန်အခါမျိုးမို့ပါ...။

ကျနော့်ဘ၀ အဘိဓါန်မှာ မရှိချင်ခဲ့ဆုံး စကားလုံးဟာ...

" နောင်တ " ဆိုတဲ့ ဝေါဟာရပါ... အဖေ။

အခုတော့... ကျနော်... ... ...

အဲဒီ့နောင်တတွေနဲ့ပဲ မခွဲအတူ ရှိနေရတော့မှာ...၊

အဲဒီ့နောင်တတွေနဲ့ပဲ ရှင်သန်နေထိုင်သွားရတော့မှာပါ...။

ကုန်လွန်သွားတဲ့ အချိန်တွေကို တအား နှမြောတမ်းတမိတယ် အဖေရယ်...။

ဒီ... (၂)နှစ်ကျော်ကျော်ဆိုတဲ့ အချိန်အတွင်းမှာ...

သုံး၊ လေးကြိမ်လောက် ပြန်ဆုံတွေ့ခွင့် ရခဲ့ပေမယ်... ... ...။

ပထမဆုံးအကြိမ် ပြန်တွေ့စဉ်က...

" ဟာ... အဖေ တော်တော် ကျသွားတာပဲ။ " ဆိုတော့...

" သုံးလလောက် ဆန်ပြုတ် သောက်လိုက်ရတာပဲ သားရယ်။ "

" ဒီလောက်တော့ ရှိမှာပေါ့။ နောက်တော့ တဖြေးဖြေး ပြန်ပြည့်လာမှာပါကွာ။ "

လို့ အပြုံးဖျော့ဖျော့နဲ့ ပြောခဲ့ပေမယ့်...

နောက်အခေါက်၊ နောက်အခေါက်တွေမှာလည်း...

အဖေ ပြန်မပြည့်တော့ပါဘူး...။

အမှတ်တရတွေကို စွဲလန်းမက်မောလွန်းတဲ့...၊

အမြတ်တနိုး တန်ဖိုးထားလွန်းတဲ့ ကျနော်...

မိသားစု အမှတ်တရဓါတ်ပုံတောင် မရိုက်ချင်လောက်အောင်...၊

မရိုက်ဖြစ်တော့လောက်အောင်...

အဖေ ပြန်ပြည့်မလာတော့တာပါ... ... ...။

" ငါ့အဖေဆီမှာ ကြီးကြီးမားမား ရောဂါဆိုးတစ်ခုခုများ စွဲကပ်နေပြီလား...! "

ဆိုတဲ့ သံသယစိတ်လေးတောင် မဖြစ်ခဲ့မိဘူး။

" လာ... အဖေ လိုက်ခဲ့။ ကျနော်ကိုယ်တိုင် အဖေ့ကို ရန်ကုန်မှာ

ဆေးစစ်ပေးမယ်။ " ဆိုပြီး...

တစ်ခါ၊ တစ်ခေါက်လောက်လေးတောင် မခေါ်ခဲ့မိဘူး... အဖေရယ်။

အရာရာမှာ ခတ်ထန် ပြတ်သား၊ မိန်းမသား မဆန်လွန်းတဲ့ အစ်မ...။

အဲဒီ့အစ်မ... ခဏခဏ ငိုနေတည်းက ကျနော့်စိတ်ထဲ ထင့်နေခဲ့တယ်... အဖေ။

" သမီး... နင် ကံကြီးထိုက်တော့မယ်နော်။ ငါ... နင့်ကို ကန်တော့မိတော့မယ်...။ "

" အဲဒီ့ကံကြီး... ဆယ်ခါပြန် အထိုက်... ခံလိုက်မယ်။ "

" မရဘူး...။ အခုချက်ချင်း အဖေ ရန်ကုန် ဆင်းကို ဆင်းရမယ်...။ "

" အဖေ့ကို ဒီည... ဒီမှာ အိပ်တာကို မလိုချင်တော့ဘူး...။ "

နောက်ထပ် နှစ်ရက် (၄၈ နာရီ)ဟာ အလွန်ဆုံးပဲ... ဆိုတဲ့ အဖေ့ကို ဒီနေ့အထိ

သက်ရှိထင်ရှား မြင်တွေ့ခွင့်ရနေသေးတာ၊ ပြုစုစောင့်ရှောက်ခွင့်ရနေသေးတာ...

အဖေ့ အချစ်ဆုံးသမီး ငရဲကြီးခံခဲ့တဲ့ အကျိုးကျေးဇူးပါ... အဖေ။

ပြီးတော့...

အဖေ မွေးတဲ့ သားသမီး သုံးယောက်ထဲမှာ အပျော့ညံ့ဆုံးဟာ ကျနော်ပါ...။

အမြဲတမ်း ငိုနေခဲ့တာ ကျနော်ပါ...။

ဘယ်တုန်းကမှ မငိုခဲ့တာ ကိုညီ...ပါ။

အခု... ကိုညီ ငိုပြီ... အဖေ။

" အဖေ... ပြည်ကို ပြန်မလာရတော့ဘူး ထင်ပါတယ် သားရယ်...။ "

" အဲလိုတော့ မပြောပါနဲ့ အဖေရယ်...။ အဲလိုတော့ မပြောပါနဲ့။ "

" ငါတို့တွေ ရွှေတောင်ကြီး ပြိုပြီ... ကိုကြီး။ "

" ငါတို့အဖေကို ငါတို့ ဆုံးရှုံးရတော့မယ်...။ "

 

" အူမကြီး ကင်ဆာ " ... ... ...တဲ့။

လူတစ်ကိုယ်လုံး တစ်ခြားကမ္ဘာတစ်ခုဆီ လွင့်စင်သွားသလိုပါပဲ...။

နှစ်ရှည်လများ... ကျနော် မေ့လျော့နေခဲ့တဲ့ အရာ...၊

ကြိမ်ဖန်များစွာ... ကျနော် မထုတ်နိုင်ခဲ့တဲ့ အဖြေ...။

ပိုက်ဆံတစ်ခုတည်းကိုပဲ သိမ်းကြုံး... ရှာ၊

ပိုက်ဆံတစ်ခုတည်းနောက်ကိုပဲ  သဲကြီးမဲကြီး... လိုက်၊

ပိုက်ဆံတစ်ခုတည်း ထောက်ပံ့ပေးနေနိုင်ရင်ပဲ ပြီးပြည့်စုံပြီ... လို့

ထင်မြင်၊ ယူဆထားခဲ့တာ...။

 အသက်အရွယ် ကြီးရင့်လာပြီဖြစ်တဲ့ မိဘတွေရဲ့  ကျမ်းမာရေးကို

ကျနော် ဘာလို့  လေးနက်အာရုံစိုက်မှု မရှိခဲ့တာလဲ..?

သိသိသာသာ ပြောင်းလဲသွားခဲ့တဲ့ အဖေ့ ပုံပန်းသဏ္ဍာန်အပေါ်

ကျနော် ဘာကြောင့် တိကျသေချာတဲ့ အဖြေထုတ်ခြင်း မလုပ်ခဲ့ရတာလဲ အဖေ?

          
ခုတော့...

အဖေ့ခမြာ ခန္ဓာ... ကို ရင်းလို့ သားတွေ၊ သမီးတွေကို

သင်ခန်းစာကြီးကြီး ပေးခဲ့ပြီ။

ကံကြမ္မာက ဆေးပညာ ဗဟုသုတ နည်းပါးလွန်းတဲ့ ကျနော်တို့အပေါ်

စောစောစီးစီး ဒါဏ်ခတ်လိုက်ပါပြီ...။

" အမေ လုပ်ပေးနေတယ်... သား "

" သူ့ဘေးမှာနေပြီး သုတ်တော်တွေ 

ရွတ်ပေးနေတယ်။ မေတ္တာပို့ပေးနေတယ်...။ "

" ဘုရားကုပေါ့... သားရယ်။ အမေတို့ နိုင်မှာပါ။ "

အမေ့အသံကတော့ အမေ့အမည်နဲ့လိုက်အောင် ပကတိ ကြည်လင်နေတာပါပဲ...။

အမြဲတမ်း တည်ငြိမ်အေးချမ်းနေတာပါပဲ။

တကယ်လည်း ကျနော်တို့ နိုင်ခဲ့ပါတယ်... အဖေ။ ဒါပေမယ့်...

ကျနော်တို့ နိုင်ခဲ့တာဟာ ကျနော်တို့နဲ့အတူ ဘယ်လောက်ကြာကြာ

ဆက်ရှိနေမှာလဲ..?

အဝေးဆုံးမှာ ရှိနေတဲ့ သား...

အဖေရှိရာဆီ အစောဆုံး ရောက်အောင် သွားခဲ့တယ်။

" မနက်ဖြန်... ငါ ပြန်လာခဲ့မယ် Honey! "

" ဟင်... အရင်လ သမီးလေးမွေးနေ့အတွက် ပြန်လာတော့...

 မင်း ခွင့်တွေ ကုန်ပြီ... ဆို! "

" လစာမဲ့... ခွင့်ပေါ့။ လစာမဲ့... ... ... ခွင့်ပေါ့။ "

အဖေနဲ့အတူ အကြာဆုံး နေပေးခဲ့တယ်...။

အဖေ့အတွက် လုပ်ပေးနိုင်သမျှ အကောင်းဆုံး လုပ်ပေးခဲ့တယ်...။

" ကျနော့်အဖေကို နောက်ဆုံး ကျေးဇူးဆပ်ချင်တာပါ... ဒေါက်တာ။ "

" ကျနော့်အဖေကို အသက်ရှင်ရက် ပြည်ကို ပြန်ပို့ပေးချင်တာပါ...။ "

ပညာရှင်ကြီးရဲ့  မျက်လုံးဟာ ကျနော့်နှလုံးသားအထိ ထိုးဖောက်မြင်နိုင်သွားတယ်...

လို့ပဲ ယူဆပါတယ် အဖေ...။
့
Operation နေ့ တစ်ရက်အလိုမှာ အထူးကု ဆရာဝန်မကြီးတစ်ယောက်...

အစ်မနဲ့ တွေ့တယ်။ သူက အဖေ့ကို ခွဲမယ့်အဖွဲ့မှာ ပါတယ်... တဲ့။

" သမီးအဖေရဲ့   ဖယ်ထုတ်ရမယ့် အပိုင်းက များတယ်။ "
" အကြီးစား ခွဲစိတ်မှုဖြစ်တယ်။ "

" ခွဲစိတ်နေရင်း တစ်ခုခု ဆိုတာမျိုး ဖြစ်သွားနိုင်တယ်။ "

" ...ဆိုတော့ သေချာ စဉ်းစားပါ။ တိုင်ပင်ပါ။ သဘောတူမှ လက်မှတ်ထိုးပါနော်...။ "

 ကျနော် ဆေးရုံရောက်တော့ အစ်မက ဝေခွဲရခက်နေတဲ့ ပုံနဲ့...  ပြောလာတယ်။

" နင်... ပြန်စဉ်းစားပါဦးလားဟာ...! "

" အစ်မ... မတွေဝေနဲ့ အစ်မ။ "

" ငါတို့အဖေ အစားမစားနိုင်တာ ဘယ်နှစ်ရက် ရှိနေပြီလဲ...! "

" ငါတို့အဖေ ၀မ်းမသွားနိုင်တာ ဘယ်နှစ်ရက် ရှိနေပြီလဲ...! "
" ငါတို့တွေ... ငါတို့အဖေအတွက် အကောင်းဆုံး လုပ်ပေးနေတာပါ။ "
" ငါတို့ မေတ္တာတရားကို ငါ ယုံတယ်...။ ငါတို့ မေတ္တာတရားတွေရဲ့  အားနဲ့

ငါတို့အဖေ ဒီခွဲစိတ်မှုကို အောင်အောင်မြင်မြင် ကျော်လွှားသွားနိုင်မှာပါ...။ "

အဖေ့ဘ၀တစ်လျှောက် ကျနော့်အတွက် လက်မှတ်ပေါင်းများစွာ ထိုးခဲ့ဖူးမှာပါ...။

ကျနော် အဖေ့အတွက် ပြန်ပြီး လက်မှတ်ထိုးပေးခဲ့ရတာ ဒီတစ်ခါတည်းပါ...။

ကျနော် လက်မတွန့်ခဲ့ပါဘူး... အဖေ။ ကျနော် လက်မတုန်ခဲ့ပါဘူး... ။

ဒါပေမယ့် အဖေရယ်...

အဖေ့ကို သတ်ခွင့်ပြုလိုက်တဲ့ လက်မှတ် ဖြစ်သွားမှာ...၊

အဖေ့ကို သေမိန့်ပေးလိုက်တဲ့ လက်မှတ် ဖြစ်သွားမှာ...။

အဖေ... ခွဲခန်းထဲ ၀င်သွားချိန်က စပြီး၊ ခွဲခန်းရှေ့ မှာ ငုတ်တုပ်နဲ့...

ချီထားတဲ့ လက်အုပ်ကို မဖြုတ်ရဲတော့တာ ကျနော်ပါ... အဖေ။

အဖေ့အနားကနေ နောက်ဆုံးမှ ခွဲခွါလာခဲ့တယ်...။

ပြန်မယ့်နေ့မတိုင်ခင် တစ်ရက်မှာ...

ရောဂါဝေဒနာရဲ့   ပြယုဂ်တွေနဲ့ အဖေ့ရုပ်သွင်ကို တစ်ဝကြီး ကြည့်ရင်း...

ဒေါသစိတ်၊ မကျေနပ်စိတ်၊ ယူကြုံးမရစိတ်တို့ဟာ တပြိုင်နက်တည်း

ဖြစ်ပေါ်လို့ လာတယ်။

ကျနော်ဟာ တာဝန်မကျေသူတစ်ယောက်လို၊ အပြစ်မလွတ်သူတစ်ယောက်လို၊

အပြစ်ကြီးသူတစ်ယောက်လို ခံစားနေရပါတယ်။

(ဘယ်လိုမှ မထိန်းနိုင်တော့ဘဲ)

အဖေ့ပေါင်ပေါ် မျက်နှာအပ်လို့ အားရအောင် ငိုချလိုက်မိတယ်...။

" သား ကြိုမသိခဲ့လို့ပါ အဖေရယ်...။ "

" သား တကယ် ကြိုမသိခဲ့လို့ပါ... ... ...။ " ဆိုပြီး

ငိုသံတွေ ရောစွတ်လို့ မချိတင်ကဲ ပြောဖြစ်တယ်။

ရင်ထဲက တအား ဆို့နင့်လွန်းလာလို့ ဘာမှ ဆက်ပြော...မထွက်တော့ဘူး...။

စိတ်ထဲမှာတော့...

" လွယ်လွယ်ကူကူ မြန်မြန်ဆန်ဆန်နဲ့တော့ အဖေ့ကို ပေး...မသွားပါဘူး။ "

" သားတို့ တတ်နိုင်တဲ့ဘက်က၊ သားတို့ တတ်နိုင်တဲ့အရာတွေ...

သားတို့ ပိုင်ဆိုင်တဲ့ အမွန်မြတ်ဆုံး ချစ်ခြင်းတွေနဲ့ ချည်နှောင်လို့...

အဖေ့ကို ရနိုင်သမျှ ရအောင် ဆွဲထားဦးမှာပါ... " လို့။

အဖေကတော့ မျက်ရည်တွေကြားက အပြုံးလေးနဲ့ နှစ်သိမ့်လို့ပေါ့...။

အခုချိန်မှာတော့...

မြို့တော်ပျက်ကြီးရဲ့   လူနေထူထပ်တဲ့ ရပ်ကွက်တစ်ခုက တိုက်ခန်းကျဉ်းလေးထဲ...

ခြောက်ဆယ့်လေးနှစ် အဖိုးကြီးရဲ့  ဘေးမှာ...

ခြောက်ဆယ့်နှစ်နှစ် အဖွါးကြီးပဲ ရှိပါတော့တယ်...။

ကာလရထားကြီး နောက်ပြန်သွားဖို့ သဘာဝတရားဆီမှာ

အလဲအထပ် လုပ်လို့ရရင် လုပ်လိုက်ချင်ပါတယ်...။

" ခုနစ်နှစ်ခွဲကျော်ကျော်... နေ့တွေ...၊ ညတွေ...

လူပင်ပန်းခြင်းကြီးစွာ၊ စိတ်ပင်ပန်းခြင်းကြီးစွာ၊ 

ရင်းနှီးပေးဆပ်မှုပေါင်းများစွာ...နဲ့

ကြိုးစား၊ ရှာဖွေ၊ စုဆောင်းခဲ့တဲ့ ပစ္စည်းဥစ္စာ မှန်သမျှ ပေးပါ့မယ်...။

ဒီ... ကြောက်စရာ ရောဂါကြီး စတင် မစွဲကပ်ခင် အချိန်လေးက 

ကျနော့်အဖေကို ပြန်ပေးပါ... " လို့။

ဒါပေမယ့်... ကျနော့် ဆန္ဒ မပြည့်နိုင်တော့ပါဘူး...။

ဒီတစ်သက်၊ ဒီကမ္ဘာ ဘယ်သောအခါမှ မပြည့်နိုင်တော့ပါဘူး... ... ...။

ပြုခဲ့ပြီးဖြစ်သော...

ပြုနေဆဲဖြစ်သော.. ...

ပြုနေဦးမည်ဖြစ်သော... ... ...

ဒါနကုသိုလ်၊ သီလကုသိုလ်၊ ဘာဝနာကုသိုလ်...

ကုသိုလ်အဖို့ဖို့တို့ကို သက်သေထားပြီး၊

ရှင်တော်မြတ်ဘုရားထံမှာ သည်သစ္စာဆုကို တောင်းပါတယ်...

"နောက်နှစ် ဒီနေ့မှာလည်း ဒီစကားကို အဖေ့နားနဲ့ကြားအောင် ပြောခွင့်ရလိုပါ၏။"

လို့...

" ပျော်ရွှင်ချမ်းမြေ့သော မွေးနေ့ ဖြစ်ပါစေ... အဖေ "

KKT

" မမေ့မလျော့ "

(ခွဲစိတ်အထူးကုသမားတော်ကြီး ပါမောက္ခ ဒေါက်တာဦးသိန်းလွင် နဲ့အတူ...

ရန်ကုန် ပြည်သူ့ဆေးရုံကြီး၊ ခွဲစိတ်ဆောင် (၇+၈)မှ...

 ခွဲစိတ်အထူးကု ဆရာဝန်ကြီးများ၊ ခွဲစိတ်အထူးကု ဆရာဝန်မကြီးများ၊

 

လက်ထောက် ဆရာဝန်များ၊ လက်ထောက် ဆရာဝန်မများ၊

အလုပ်သင် ဆရာဝန်လေးများ၊ အလုပ်သင် ဆရာဝန်မလေးများ၊

သူနာပြု ဆရာမကြီးများ၊ သူနာပြု ဆရာမလေးများ၊

ခွဲခန်းအကူ ၀န်ထမ်းများနဲ့ ကျေးဇူးတင်ထိုက်သူများ...

အားလုံး၊ အားလုံးကို အထူး ကျေးဇူးတင်ရှိပါကြောင်း

မှတ်တမ်းရေးသားအပ်ပါတယ်...။)