ဟန်ဆောင်ပြီး ပြုံး၊
ဟန်ဆောင်ပြီး ရယ်၊
ဟန်ဆောင်ပြီး စကားတွေ ပြော၊
ဟန်ဆောင်ပြီး အလုပ်မှာ စိတ်ဝင်စား...။
တအား ဆာလောင်နေတဲ့ အချိန်
အင်မတန် မြိန်တဲ့ ထမင်း...၊
(ရေကိုတောင်) နှုတ်ခမ်းစိုယုံ၊ အာစွတ်ယုံ
ဇွန်းလေးနဲ့ တို့ပေးရတဲ့ သူတစ်ယောက်ဆီ စိတ်ရောက်သွားတဲ့ တခဏ
မျက်ရည်ပေါက်တွေဟာ ထိန်းမနိုင်၊ သိမ်းမရ
စားနေတဲ့ ထမင်းပွဲ
အဓိပ္ပါယ် လွဲခဲ့ပြီ...။
ဒုတိယအကြိမ်
ဆေးရုံ ဆင်းခဲ့တဲ့ အဖေ
ကိုယ်ကျမ်းမာပါစေ...
စိတ်ချမ်းသာပါစေ...
အသက်ရှည်ပါစေ... ... ...။
KKT
(ဒီကဗျာလေးအတွက် အမှန်တကယ် ပေးချင်ခဲ့တဲ့ ခေါင်းစဉ်က
" မျက်ရည်ဆမ်း ထမင်း " ဆိုတာလေးပါ။
ဒါမှမဟုတ်ရင်လည်း " နှစ်သစ်ကူး ဆုတောင်း " ဆိုပြီးတော့ပေါ့လေ။
သို့ပေမယ့် အကြောင်းအရာအားလုံးနဲ့ အခြုံငုံဆုံး၊ အလိုက်ဖက်ဆုံးဖြစ်စေဖို့ရာ
ဒီခေါင်းစဉ်ရိုးရိုးလေးကိုပဲ ပြန်ရွေးလိုက်ပါတယ်။)
No comments:
Post a Comment